जनचेतना/अर्जुनी मोरगांव/प्रशांत उके
गोंदिया जिल्हा युवक काँग्रेस उपाध्यक्ष डाॅ.भारत लाडे हे दिनांक23/07/2024 ला अर्जुनी मोरगाव वरून गोंदिया ला जात असताना कारंजा जवळ दुचाकीने गोंदिया ला जाणा-या तरुणीला ट्रकने धडक दिल्याने अपघात झाला.या अपघातात गणखैरा येथील स्नेहा पारधी ही तरुणी गंभीर जखमी झाली. यातच त्या मार्गावर जाणाऱ्या एका ॲम्बुलन्स आणि पोलीस वाहनाने सुद्धा लिफ्ट दिली नाही . या दरम्यान डॉक्टर भारत लाडे अर्जुनी मोर. वरुन गोंदिया ला जात असताना प्रसंगावधान दाखवून लगेच आपल्या गाडीमध्ये रुग्णाला घेऊन गोंदिया येथील युनायटेड हॉस्पिटल येथे गंभीर स्थितीत भरती केले.
वेळीच प्रसंगावधान दाखवून गंभीर जखमी तरुणीचे प्राण वाचविण्यात मदत केल्याने तरुणीचे वडील उमेश पारधी आणि त्यांचे नातेवाईक यांनी डॉ. भारत लाडे यांचे आभार मानले. याप्रसंगी रस्त्यात अपघात झाल्यास रुग्णांना त्वरित रुग्णालयात दाखल करून त्यांचे प्राण वाचवावे असे आवाहन डॉ.भारत लाडे यांनी केले.
