जनचेतना/अर्जुनि मोर/ प्रशांत उके
अर्जुनी/मोरगाव – तालुक्याच्या केशोरी येथील नवोदय हायस्कुल तथा कनिष्ठ कला व विज्ञान महाविद्यालयात दि.1 जुलै 2024 रोजी शाळा प्रवेश उत्सव दिवस मोठ्या उत्साहात साजरा करण्यात आला असुन शाळा प्रवेश निमित्ताने महाविद्यालयाचे प्राचार्य नरेंद्र काडगाये,पर्यवेक्षक श्री.साखरे आणि इतर शिक्षक वृंद यांनी नवीन प्रवेशित विद्यार्थी तसेच पालक वृंद यांना कुंकु तिलक लावून पुष्पगुच्छ आणि मिठाई देऊन नविन विद्यार्थी व विद्यार्थींनींचे स्वागत केले.
दि. 1 जुलै रोजी शाळा प्रवेश उत्सव दिन साजरा करतांना शाळेच्या परीसरात वृक्षारोपण करण्यात आले नवीन प्रवेश उत्सव साजरा करण्याच्या निमित्ताने गावात शिक्षणा विषयी जनजागृती करण्याच्या अनुसंगाने शाळेपासून संपूर्ण केशोरी आणि कनेरी गावात भव्य प्रभातफेरी काढण्यात आली.प्रभातफेरी सोबत वृक्षदिंडी काढण्यात आली.
प्रभातफेरी मध्ये विद्यार्थ्यांनी शिक्षणावर आधारित घोषवाक्य देऊन शिक्षणाचे महत्त्व समाजापर्यंत पोहचविण्याचे कार्य केले.
यावेळी शाळेचे सर्व शिक्षक शिक्षकेत्तर कर्मचारी,विद्यार्थी विद्यार्थींनी तसेच पालक वर्ग व गावकरी मोठ्या संख्येनी उपस्थित होते.
